I te hora nei, te Rapa Nui e ma'u no 'a te me'e tuai, to'ona haka tere enga, te mana'u, te ori, te riu, te mana, e te tapu tuai haka re mai era e te tupuna mo ma'u e te hua'ai nei ka oho nei pe mu'a.
I te ta'u piru era o te anga puai o te tao'a Rapa Nui, i puai mau ai te haka ara tupuna, i anga ai e 300 ahu, e oho atu e 1000 tu ma'a moai. Ko tu'u 'a ia ki te roa puai era o te anga tupuna. Ki oti te ta'u nei, i tu'u ai te ati, te haka tere enga o te henua he ha'amata he turu a raro, i te maruaki e i te ati mau he haámata he tu'u mai te mauiui i te pahi era e tu'u era ki Rapa nui, he ma'u i te kokongo, i te tahi mauiui, he mate ro atu ai te un'u pa'ari ina he ra'au mo unu. Te ako ia ki a Make Make i te hora nei, he oho ki te pae kai era. Ina he kai toe, ko rahi 'a te tangata. Mai te ati nei i ha'amata ai te puai o te atua era ko Make Make e i huri ai a runga te puai a te Tangata Manu (hombre pajaro). He a'ati o te kope haka ke o te ta'ato'a mata e iri era ki Orongo mo a'ati, mo turu mai Orongo a raro te opata, he kau he iri mo tu'u ki Motu Nui ki te mamari mo to'o mai, ai ka hoki mai ki Orongo. Kope era mo tu'u ra'e, e ma'u ro 'a i te mamari era o te Manutara, he riro he Ariki e tahi matahiti.