O te Rapa Nui te noho te motu nei. Te ingoa nei ko Rapa Nui, he ingoa ra'e o te motu rano nei. E haka taimana ro'a, i vaenga o te vaikava.
Te motu nei, e 180 km2, e ai ro 'a e toru rano i te pini pini o te taimana. Moai ma'ea nunui, e ha'u ro 'a hai pukao e maroa ro 'a i te matamu'a, e ana harui a tu'a ki te vaikava, e ana haka tike'a mai nei te puai e te mana o te tupuna i haka tike'a i oho mai nei mai te matamu'a 'a. E 3.600 km mai te taha taha tai nei o Tire, i mu'a o te Hanga era o Caldera, e tu'u mai nei e haka ite mai nei te rongo e te puai o te tupuna nei o Rapa Nui.
E 250 Ahu, e 600 Moai e maroa ro 'a, e te tahi atu e maranga ro 'a i te kona ta'ato'a o Rapa Nui, Te rahi mau e 300 ahu e he oho atu e 1000 pe runga te moai o Rapa Nui. Me'e rahi te Rona e ta ro 'a i runga i te ma'ea rano vera i te ahí, tako'a te himene, e te ori, e tangi ena, e koromaki ena ki te raua tupuna ena o te motu era o te taimana, I ira i poreko ai, i oho mai ai te Rapa Nui nei o te hora nei.
I te hora nei, a Rapa Nui e 3.800 tangata. I roto nei e 1.600 he Rapa Nui, e te rahi he Tire. Ta'ato'a i Hanga Roa e noho ena.